مساء الخير وجمعة مباركة على الجميع
اليوم راجلي ماقليش صباح الخير
قالي ديريلي براج قلت بلاك راهو يتوحم ولا بات
يحلم بيه انا مالفة تجي عندي اختي وديرهولي
في داري قلت اليوم نديرو وحدي باش نولي فحلة
اح اح طولت عليكم نخليكم مع الصور
المقادير لي درتهم
3كيلات سميد متوسط
1كيلة سمن ذائب
1م ك سكر
1 م ك ملح
وتمر(غرس) انا فورتو ودرتلو قرفة وجلجلانية
لميت العجين وقسمتو علي 2
وهدا شكلو بصراحة جا بنين وهش
كي درت الزبدة تفاجاءة من كمية الهائلة ونا مدايرة رجيم مع البنات في قسم الامراض ههههه لازم ناكل حبة وندير 2سا سبور
يالله تعليقات 