واش حوالكم إن شاء الله بخير
أسيدي قالك اليوم سخفت على المسمنات أو المركبات و حنا نقوللهم البسيكريات أمالا درتهم و جبتلكم تشوفوهم … يجو هايلين بنة لاتقاوم كل ماتاكلي وحدة تقولي نزيد وحدة و خلاص حتان تكملي الطبسي ههههههههههه علبالي فهمتوها راني على روحي و الله على دورة ناكل حبة ممممممم 
المقادير بسيطة نحتاجو كمية من الدقيق درت قيس خبزة رخسيس +ملعقتين فرينة + قطعة زبدة +ملح و ملعقة صغيرة سكر هاذي زيادة من عندي
و الطريقة مشروحة بالصور
طبعا نبسس الدقيق بالزبدة ثم نعجن عادي مع إضافة الماء حتى نحصل على عجين مثل المحاجب
ممبعد ما نطيبهم نرش عليهم عسل و كوكاو أو لوز إفيلي أو نكتفي برشهم بالسكر الناعم
و هذه هدية مني إلى كل شلة ركن واش طيبتي اليوم أذكر على رأسهم مشرفتنا الغاليا أم كوثر و العزيزة على قلبي أم ماجد ،أم نجم ،بريق الأمل، أم محمد تاج، توتة ،و حنان ، أميرة ، ذرة بيتي ،أم ياسين الزهراء أم إبراهيم ،ماري،مرام ، أوغيسيا و لاكاشما نسيت وحدة تقولي نضيفها 
و هذا الصحن خصيصا للمتميزة بالإبتسامة و الروح العالية إلهــــــــــام ربي يخليك لينا إن شاء الله 
نتمنى تجربوه مع قهوة لعشية يا سلااااااام
أخيرا دعوة بظهر الغيب من القلب بالشفاء لأبي لأنه عمل عملية
