بريوش الوردة بالنيتيلا……….باهي وبنين.. -حلويات جزائرية

بسم الله
المقادير

500غ فرينة
3 م ك سكر رطب
1 م ص فاني
1 خميرة الحلوة
2 حبات بيض
كمية من الحليب دافئ
60غ زبدة ذائبة
مبشور نصف ليمونة انا هنا استعملتولان اولادي يحبوه بصح انا منحبش الطعم نتاعو
نيتيلا
التحضير
نخلط الفرينة مع السكر والخميرة ثم البيض و الزبدة ونلم بالحليب حتى الحصول على عجينة طرية
نخليها تخمر مدة ساعة
ثم نقسمها على اربعة

نطرح اول واحدة ونطليها كاملة بنتيلاونغطيها بعجينة واحدى اخرى

ونكرر العملية حتى الانتهاء

نعدل الجوانب
ثم نحط كاس في الوسط

ونقسم على اربعة حتى حاشية الكاس

ثم على ثمانية

ثم على ستة عشر

ناخذ كل طرف ونلويه كيما في الصورة

ثم نلصق كل زوج مع بعضاهم

ندهن بالصفار وندخلها تطيب
ملاحظة
اشتغلي فيها على البلاطو اللي رايحا طيبي فيه على خاطر جيك صعيبة كي تهزيها
لم تطيب ادهنيها بالعسل

وذرذري سكر رطب وقدميها بالصحة والهناء لاولادك

نتمنى تعجبكم ان شاء الله
في امان الله