السلام عليكن
كيف كل عام نخبي بوزلوف ومن بعد ما تفوت تخمة العيد نجبده ونطيبو وهاذي الطريقة
حضرت بوزلوف غسلته بالماء الساخن لازالة الشوائب والشعر الرقيق الي بقى بعد التشواك
جهزت مجموعة من الخضار المنوعة واش كاين في الدار وقطعتهم شرائح بصل ثوم كسبر بطاطا طماطم وفوحتهم بالتوابل والفلفل الاسود والملح وقليتهم وحكيت معاهم بوزلوف ومرقتهم بالماء الساخن وخليته حتة طاب مليح وتفتت وحده وخثار المرق الي طاب فيه
ومن بعد خرجته وخليته يبرد مليح وفتت بوزلوف من اللحم الي فيه كامل وحطيته في سينية الفرن وغطيته بطبقة من شرائح البطاطا والطماطم ورشة توابل وفلفل اسود وذريت ثوم مفروم ورشة معدنوس وسقيتهم بالمرق السابق جيدا وسخنت الفرن وحطيته بالداخل حتى نضجت البطاطا والطماطم ونشف جيدا من المرق
وهذا شكله لما يطيب
وبالصحة ليكم
