حرام عليه و الا لا -مشكلتي

السلام عليكم
باختصار حابة منكم 1- الدعاء 2- للرجال خاصة اتقوا الله في بنات الناس
كاي فتاة تقدملي شخص ظاهريا مليح خطب و درنا عقد شرعي -فاتحة – اتفقنا على كلشي حتى طلبت انا اني نحبس خدمتي بعد العرس و تفاهمنا قبل عرسي بشهر و بقمة فرحي و انا نحضر لعرسي و كنا متفاهمين نشريو خاتم العقد – لا ليونس – نلقاه ارسل مع اهلي انو انسحب و بطل حسبتها مزحة مي ………..
طلقني بعد اسبوعين – بحكم عقد شرعي –

تلغى العرس و احتار الناس الكل و سؤال الناس وقتها علاه بطل منها خلالي الف جرح
بكيت دم حتى قريب عميت و وقفت على رجل بفضل الله
رجع الطلب السماح و اكتشفت انو السبب – امرأة أخرى -….

انا اليوم بعد مرور 3 سنوات على القصة الناس الكل نسات لي اعتذر و طلب السماح و ما نساتش انو هو لي بطل مني و مازال يبحثو

اللي يتقدم يتساءل ؟؟؟

بالله عليكم انا واش ذنبي ؟؟؟
في العام الاول لي انفصلت عليه تقدملي غيرو مي كنت غير ربي سبحانه لي يعلم بجرحي و كرهت حتى سيرة الزواج

مي اليوم فتاة 34 سنة مع كل هذاك العذاب و الحمد الله تجاوزتو مازال نتساءل كيفاه نجاوب لي يسال اذا كنت مخطوبة و علاه بطلت .؟؟؟؟

و زعما عندي ذنب في الحكاية ؟؟
صح تعبت و رفضت بعدو مي رجعت حابة نعيش حابة نرتاح
اشتقت اني نبتسم و الله و الله و الله توحشت نفرح من قلبي

يا رب يا مغير الاحوال غير حالي الى افضل حال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.