قبل الكلام ازف احلى سلام لكل الاخوات…مشتركات معنا…استاذات…..او مارات من هنا
اليوم وكالعادة نجتمع في لمة تعليمية….ودورة اجتهاد
نتعلمو مع بعض ونتنافس ونشوفوا ابداعاتنا
الدورة وككثيرات سبقوها تكون عن طريق طرح درس في احد الفنون…كل اسبوع درس معين مع استاذة معينة….ويفسح المجال طيلة الاسبوع للاخوات حتى يستفسرن عن اي غموض واكيد الاستاذة تكون حاضرة للشرح
حتى نصل في نهاية الاسبوع لعرض اعمال المشتركات وتطبيقاتهن
مسابقتنا بعنوان
دورة***ملـــــــــــكة الفنـــــــــــــــــــــــون***
وفي الموضوع تجدون التقديم لها والردود التي تبين المشتركات معنا
اما الان ننتقل للدرس الاول من دورتنا وسيكون بعنوان
الرسم على الفودان
الدرس من تقديم الاخت
fifi arch
وسنقوم بانجاز لوحة على الفودان
بسم الله وعلى بركة الله نبدا
اولا نحتاج للادوات التالية
الوان..فضي وذهبي + علبة وسيط بركاني ( يساعد في انتفاخ الالوان )+ لماع فضي وذهبي + فرشاة رقيقة واخرى خشنة قليلا + كالك خاص بالرسم على القماش + فودان
نحتاج كذلك للرسم الذي سننقله انا هنا اخترت اية قرانية للوحتي
نقوم بنقل الكتابة على الفودان بواسطة الكالك
بعد ذلك نحضر fer à souder ونعيد نفس الكتابة بواسطته…هنا لازم تحذري حتى اولا ماتحرقيش نفسك وثانيا ماتحرقيش القماش وتثقبيه
خليك كانك تكتبي بالقلم بحركات خفيفة لانو الفودان لو رصيتي عليه راح يتثقب وتفسد خدمتك
الان نجيب brosse ونمسح القطعة نتاع القماش مليح من كل الشوائب
هنا القطعة نظيفة وجاهزة للعمل
الان نجهز الفرشاة لي راح نبدا بيها الرسم
نجهز الوسيط البركاني ولي يحث على حصول انتفاخ بتفاعلو مع الحرارة شوفي العلبة نتاعو كيفاه ولما تروحي تشري اطلبي نفس هاذ العلبة بالاسم لي مكتوب عليها
نقوم بتلوين داخل الكتابة كاملا بالوسيط البركاني
وهنا ماتلوني حدود الكتابة فقط لوني داخلها
نخلوه ينشف مليح
الان نجيب الالوان نتاعي ونبدا في تحديد حدود الكتابة
بعدها نحضر اللماع ونبداو نلونو داخل الكتابة…وكل مانلون نرش اللماع حتى يلصق مع البانتير قبل لا تنشف
وهكذا حتى نكملو كل اللوحة
الان بعد لا تنشف الالوان ننظفوها من كل الشوائب بفرشاة اسنان قديمة
بعدها نحضر المكواة وما لازم يكون فيها بخار
ونقلب اللوحة ونقوم بعملية الكوي
وهنا لازم نكونو حاملين المكواة شوي ومانرصوش بيها على القماش قيس ماتلامس سطح القماش فقط
لانو هدفنا اعطاء حرارة للوسيط البركاني حتى يتنفخ
لما تكملي راح تلاحظي هاذ الشكل من خلف القماش وهذا معناه انو الوسيط البركاني اتفاعل واتنفخ بفعل حرارة المكواة
لما تقلبي القماش راح تبانلك الكتابة كيفاه ولات بومبي
شوفي الصور
وهنا لوحتي
بما انو انا حابة نعمل هاذ اللوحة كادر…جبت كادر قديم ودرتلو اعادة تصنيع
تبعوا معي المراحل المصورة
وهكذا خرجت بهاذ النتيجة
واش رايكم البنات
نتمنى تكون لوحتي نالت اعجابكم
اي استفسارات اتفضلو اطرحوها في الموضوع واجيبكن عنها ان شاء الله
ملاحظة هامة
الدرس يسير مدة اسبوع كامل والاخوات مطالبات بارسال اعمالهن للمشرفة fifiarch ..قبل يوم الخميس على الساعة الثامنة مساءا
بالتوفيييق
