التصنيف: حلويات جزائرية

وسام وتقدير ملئ بخالص الشكر والامتنان الى جميع اعضاء المنتدى على ما تبذوله من مجهودات مباركة في شهر مبارك وفقكم الله وسدد خطاكم

ان شاء الله

مساء الخير هاذى نوع اخر من الحلوى من مطبخى

المقادير
160 غ مارغرين
160 غ سكر
500 غ فرينة
كيس خميرة
فانى
2 صفار بيض
حليب
الحشو:
160 غ جوز الهند مرحية
100 غ سكر
4 ملاعق كبيرة كاكاو
فانى
2 بياض بيض
ماء الزهر
الاعداد:
حضرى العجين بمزج جميع المكونات والحشو كذلك
قسمى العجين الة 6 اقسام اخبزيه وحطى الحشو لفيه حربوش وقطعيه كيما شكل لى فالصورة
حطيه يطيب بعد مايطيب ويبرد غطيه بشكولا وزينيه كيما فالصورة ولا حسب ذوقك
ان شاء الله يعجبكم واي استفسار رانى هنا

سلام
لي عندها رابط وصفة كيكة بالدانيت لام أماني تعطهالي أرجوكم
وكاش وصفات ملاح تاع البتيسري تحطهوملي حمرولي وجهي قدام عجوزتي
راهي سخفت عليه ساعدوني ولكم مني دعوة لكل محتاجة

السلام عليكم ورحمة الله وبركاته…لكل من طلبت وصفات الحلويات التي وضعت صورها سابقا…اليكم وصفة البقلاوة..وارجو ان تقبلوا اعتذاري على الاطالة……
المقادير:4كيلات فرينة.كيلة سمن ذائبة وباردة.قرصة ملح.فانيلا.ماء وماء الزهر..في اناء نضع الفرينة.الملح والفانيلا.وفي الوسط نفرغ السمن ونحكها جيدا براحة اليد حتى نحصل على خليط مرمل .(وهذه خطوة مهمة لتفادي تشكيل الحبيبات التي تفسد العجينة وتقطعها في الماشينة )نرش بالماء وماء الزهر حتى الحصول على عجينة طرية.نشكلها حربوش ونقطعها دوائر نضعها في كيس ترتاح.
نحضر الحشو: كيلو لوز.800غ كوكاو.باكي قاطو بيمو(وهذا سر البقلاوة خاصة تاع الكوكاو ) الكل مرحي متوسط.قرفة.200غ سكر2 مغارف سمن ذائب.نلموها بماء الزهر حتى الحصول على خليط مبلل لاهو عجينة ولاهو ناشف.
لهذه المقادير استعملت سنيوة 40/40سم وقطعتلي 75حبة..نحضر السنيوة وكسرونة بها سمن مذاب وفرشاة..ندهن السنيوة ونحل العجينة في الماشينة 6.4.2على التوالي وتوجد بعض الماشينات تخرج العجينة فيها على6 خشينة فلازم تمرريها على7..تشكلي الطبقة1 بوضع شرائط العجينة متراصة ثم ندهنها بالسمن ثم نشكل الطبقة2 معاكسة للطبقة 1وندهن بالسمن وهكذا حتى6طبقات نضع الحشو ثم نكرر العملية فوق الحشو حتى6طبقات..بمسطرة نعلم الحبات ثم نقطعها بسكين..نزينها بنقاش او بورود من العجينة. ونرشق بحبات لوز..نتركها ترتاح على الاقل2ساعة ثم ندخلها لفرن مسخن مسبقا درجة حرارته متوسطة حوالي ساعة..عندما نلاحظ اصفرار الجوانب نشعل من ااعلى تحمار وبمجرد
اخراجها من الفرن تسقى بالعسل وفي الغد تقطع وتوضع في الاكواب الورقية …. طريقة مجربة مرارا…اتمنى تجربوها…اعرف ان الطريقة يعرفها الجميع اما المكونات تختلف..اي استفسار لا تترددوا..