زوج خاوة داروا مقلب لخوهم
قالك كاين 3 خاوة مسافرين بالطوموبيل تاعهم
وكان واحد راكب مالورا(الخلف) ومعروف كي يرقد واحد مايقدر انوضوا. امالا الزوج هذوك فكروا باش ايديروا لخوهم مقلب نتاع الصح 
. بعد مافكروا فالمقلب حبسوا الطوموبيل (السيارة) نتاعهم في بلاصة مايتسعى فيها حتى واحد يعني مكان مهجور
وكان الوقت تقريبا الواحدة نتاع الليل . راحوا حلوا الباب ونزلوه بالشوية وحطوه في الارض .وكي جاوا رايحين يروحوا وقبل مايركبوا الطوموبيل شافوا واحد الصندوق كبير كيما نتاع حفظ الجثث يعني (تابوت) .هنا جاتهم
فكرة جديدة وقرروا يغيروا الخطة.جابوا هذاك التابوت وحطوا فيه خوهم المسكين ولفوه بلحاف ابيض كيما تاع الكفن 
بعد ماحطوه في التابوت غطاو وجوهم بلحاف أسود باش مايفيقلهمش خوهم المسكين هههههههههههه
بداو يضبروا فيه من كل جهة حتى ناض من الر قاد وهو مخلوع 
(الدنيا كحلة والضربات اجوه من كل جهة مافهم فيها والوا …) هههه
زاد شوية زاد ضربوا واحد منهم على راسوا وقالوا : من هو ربك ؟
قال: الله
جاء الثاني وضربه على راسو وقالوا : ماهو دينك
قالو المسكين : الاسلام
هذوك الزوج قريب يطرطقوا من الضحك على خاطر خوهم كان ميت بالخلعة مسكين وجهو صفر كي القارص
زاد شوية عطاه واحد منهم كف في وجهوا نجوم نتاع النهار شافهم مسكين
وقالوا واحد منهم : من نبيك ؟
المسكين هذاك دور راسو عند اللي ضربه وقالوا : ياخويا ماتضربش راح نقولكم كلش ماتضربوش برك
هنا خاوتوا ماقدروش يتحملوا أكثر وطرطقوا من الضحك حتى عادوا يتمرغوا فالارض ونحاو اللحاف على وجوهم وعرف بللي دارولوا مقلب راح تحط فيهم بالضرب
صور لحوت لحظة قفزه من الماء
صور لحوت لحظة قفزه من الماء
صور لحوت لحظة قفزه من الماء
صور لحوت لحظة قفزه من الماء
