كيكة بالدانيت اكثر من راااااائعة -حلويات جزائرية

السلام عليكم اخواتي
جبتلكم اليوم وصفة اكثر من راااائعة جربتها عدة مرات وكانت ناجحة 100في100 ومذاقها لا يقاوم نشكر اختي ام درة على الوصفة الرااااائعة
http://


الكيلة لنستخدمها هي علبة الدانيت فارغة
المقادير
4بيضات،3كيلات سكر،كيلة زيت،2ملاعق كبار كاكاو،علبة دانيت انا استخدمت ذوق كراميل ويمكن تستعملي ذوق الشكولة،1خميرة،3 ونصف كيلة فرينة مغربلة.
القناش:
علبة شكولة من الافضل امباسادور،علبة دانيت
الطريقة:
نخفق البيض جيدا مع السكر نضيف الزيت ثم علبة الدانيت ونخلط ثم نضيف الكاكاو والخميرة والفرينة ونحرك من فوق لتحت ونحطها في مول مدهون بالزبدة ومرشوش بالفرينة ونحطها تطيب في فرن مسخن مسبقا على درجة حرارة180درجة بعدها نخليها تبرد تماما.
منجهة نحط الشكولة على حمام مائي تذوب وبدون اضافة الحليب عليها لما تذوب ننزعها من النار ونضيفلها علبة الدانيت ونحرك ونغطي بها الكيكة ونخليها تنشف شوي ة ونقدمها صدقوني طعمها رهيييييييب

هنا عملتها في مول مختلف

X1kwg85287o0]
هنا زينتها بحبيبات الشكولة
نتمنى تعجبكم وتجربوها
لا تنسوني اخواتي من صالح الدعاء لي ولصاحبة الوصفة

لقراءة ردود و اجابات الأعضاء على هذا الموضوع اضغط هنا

مقروظ النقاش خطوة خطوة من مطبخ ام اماني قاطو جديد

السلام عليكم اخواتي نتمنى تكونو كاااامل بخير
وصفة اليوم مقروط النقاش صراحة جربت عدة وصفات لكن هذا الوصفة كانت الاحسن على الاطلاق يجي يذووووب في الفم نخليكم مع المقادير والخطوات
المقادير:
3 كيلات سميد متوسط من النوع الممتاز انا نستعمل دائما سميد السفينة هايل للمقروظ
كيلة ونصف فرينة
كيلة معمرة مليح سمن ذايب وبارد
نصف كيلة زيت
ملح على حساب كمية الدقيق والفرينة نملح اقل من الكسرة بشوية
خليط من الماء وماء الزهر انا استعملت ثلاثة ارباع الكيلة على حساب نوعية الدقيق
الحشو
غرس منقي ومرحي نفوروه ونضيفلو 3م ك سمن ذايب+3 م ك عسل+نصف م ص خميرة الحلوى+شوية قرفة+القليل فقط من القرنفل مرحي وهذا الكمية لبلاطو صغير نمزج المقادير مع بعض ندهن يدي بشوية زيت ونشكل حرابش
الطريقة:
http://
هذا دقيق السفينة المتوسط يتباع بحجم1كغ هااايل للمقروظ
نخلط كمية السميد مع الفرينة والملح ونضيف السمن الذايب والبارد والزيت
http://
نخلط باليد راح يكون الخليط جاري شوية عادي نضيف كمية الماء وماء الزهر ونلم العجينة بلا مانعجنها
http://
نغطيها ونخليها ترتاح على الاقل ساعة
ناخذ كمية من العجينة ونضع بداخلة حربوش من الغرس
http://
نغلق عليه بالعجين ونشكل حربوش واذا كان طويل نقسم على اثنان لتسهيل العملية
http://
نقطع مقروضات ونستعمل طابع على شكل معين باه الحبات يجيو كيف كيف ولي ماعندهاش تقطع وتحاول يكون حجم الحبات متشابه
http://
وبواسطة النقاش ننقش من فوق
http://
نحط الحبات في البلاطو بجانب بعض باه ما يتحرقش الغرس
http://
ندخل للفرن يكون مسخن مسبقا على درجة حرارة200 درجةفي الرف الاوسط ونراقب الطياب
كي يطيب من الاسفل نهبطو للرف السفلي ونشعل من فوق حتى ياخذ لون ذهبي فاتح
بعدها نخرج من الفرن ونخليه يبرد تماما
نسخن العسل مع ماء الزهر ونشحر الكمية لي نحتاجها ونحتفظ بالباقي في علبة حتى لمدة طويلة وهذا شكله النهائي
http://
صراحة يجي هاااااايل ويذوب في الفم
ملاحظة
ممكن الكيلة تكون صغيرة نستعمل كأس مثلا ونجرب ويمكن نعملو بالطابع العادي بلا نقاش
نتمنى يعجبكم وتجربوه واكيد راح تدعولي
في امان الله

لقراءة ردود و اجابات الأعضاء على هذا الموضوع اضغط هنا

من فضلكم وصفة الكعك التلمساني -قاطو جزايري

السلام عليكم و رحمة الله و بركاته
ان شاء الله تكون كامل بصحة و بخير

من فضلكن يا حراير تلمسان اللي عندها وصفة الكعك التلمساني الاصلية تاع الي يبات ليلة قبل ما يطيب تحطهالنا في المنتدى حابة نجربها.
من الاحسن وصفة تكونو مجربينها و ناجحة. و لكن جزيل الشكر مسبقا.

لقراءة ردود و اجابات الأعضاء على هذا الموضوع اضغط هنا