وصفة التيراميسو لأم ياسين الزهراء و أم ماجد و لكن أخواتي من مطبخي -سهل و لذيذ

السلام عليكم عليكم أخواتي
بطلب من أخواتي الغاليتين أم ياسين الزهراء و أم ماجد لوصفة التيراميسو راني عملتها موضوع لكن بالبوتي سويس بحكم أنو جبن الماسكاربون غالي في بلادنا هذا إن وجد
الذوق كيفكيف و السماكة كذلك الفرق فقط أنو البوتي سويس فيه كمية من الماء لذلك لازمنا نقطروه جيدا قبل إستعماله
المقادير هي ;
بسكوي لي بودوار
4 علب بوتي سويس من الحجم الصغير
80 غ سكر عادي = 4 ملاعق أكل مملوءة
2 بيض ، فانيليا ، كاكاو بودرة للتزيين
قهوة طايبة أنا إستعملت العادية باش متأثرش علينا في اليل خاصة الأطفال

طبعا هادوالمقادير و الطريقة مشروحة بالصور
نفصلو البياض عن الصفار و نقسمو كمية السكر بيناتهم

نضربو البياض مع نصف كمية السكر حتى يطلع مليح كالميرانق و نخلوه بجيه
و نضرب الصفار معالنصف الباقي من السكر مع الفانيليا حتى يميل لونه إلى البياض
نضيفولو البوتي سويس و نكملو التضراب حتى الإنسجام

ثم نضيف البياض المخفوق تدريجيا معالخلط من الفوق للتحت حتى على هذه الكريمة

نديرها في كيس حلواني هكذا باش تجينا الخدمة نظيفة

و نبدأ نشكل التيراميسو
1- نجيب الكيسان نتاوعي لازم زجاج شفاف الي يعجبكم ديرو فيهم
– نغطس البسكوي في القهوة بسرعة و نضعة في الكاس
– نضع القليل من الكريمة ثم نرش الكاكاو بودرة بالصفاية و نزيد نكرر العملية البسكوي ثم الكريمة ثم الكاكاو أنا عملت 3 طبقات المهم الطبقة الأخيرة كريمة نزينها على شكل صخور نرشها بالكاكاو و نغلفهم بالنيلون و نديرهم في الثلاجة يبردو مليح على الأقل 3 ساعات و من الأفضل ليلة كاملة


هنا من بعد ما حطيتو في الثلاجة لمدة 3 ساعات

ملاحظة فقط الأخوات لي عندهم عائلة كبيرة الله يبارك تقدرو تزيدو الشونتيي و ضاعفوا المقادير
كذلك تقدرو ديروه بكل أنواع القاطو خاصة لي يجي بنين مثل البيمو او ماجور
كذلكباش تعرفوا توزعو الكريمة قد قد أخدمو الكؤوس في آن واحد كيما درت أنا

إن شاء الله تجربوه لأن ذوقه رهييييب
في أمان الله
فقط دعوة خير تكفيني

لقراءة ردود و اجابات الأعضاء على هذا الموضوع اضغط هنا

تحلية الموز وحلوة الترك رائعة وجديدة من مطبخي -طريقة سهلة

نحتاج الى

2 كاس حليب
100 غ حلوة الترك
3 مغارف مايزينة
4 مغارف سكر
1حبة موز مقطعة

نضع في اناء كل المقادير مع بعض ونحطها فوق النار نخلط بملعقة خشبية حتى تثقال ونفرغها في كؤوس التقديم وندخلها الثلاجة حتى تبرد والتزيين اختياري زينتها بالفراولة و حبيبات شيكولا

تمتعن بالصور

اتمنى ان تعجبكم وتجربوها رائعة فعلا

لقراءة ردود و اجابات الأعضاء على هذا الموضوع اضغط هنا

~~تحلية النستلي كراميل~~ -على طريقتي

السلام عليكن
جربت تحلية النستلي كراميل للاخت اليسون و جات روووووعة
حبيت نديرها موضوع للاستفادة ولأنها فعلا تحلية تستحق التجريب

المقادير و كيفية التحضير :

….



المقادير :
نصف علبة كرام فراش
2الى3ملاعق كرام شونتي
نص كاس حليب
نص علبة نيسلي كراميل
قطعة فورماج الشاف او لاعندك باط تاع ماسكربوني
اي نوع بسكويت او بودواغ
حليب (انا ضفتلو قهوة)

التحضير

تخلطي الشونتي مع النستلي و الحليب جيدا
اضيفي الكريم الفريش و الفرماج و الى الثلاجة

اغطسي القاطو في الحليب و القهوة
حطي شوية كريمة في قعر الكوب ثم القاطو المغطوس في الحليب ثم كريمة …..
في الاخير زيني بالشكولا نواغ رابي

نسيت ماصورتش التحلية مع الملاعق الجديدة ههههههههه يتعلقو في لي كوب حطة خخخخخ
راني صورتهم مع التيراميسو

لقراءة ردود و اجابات الأعضاء على هذا الموضوع اضغط هنا