أولا أقول لكم رمضان مبارك على الجميع و ربي يغفر لكم ذنوبكم في هذا الشهر الفضيل
هذي التحلية أسيدي من اختراعي ( تشبه للموس) عجبت العائلة لذا حبيت نشارككم بيها
( الله غالب ماصورتهاش كلوها لكل )
نبدأعلى بركة الله : المكونات :
1. قهوة (بن)
2.كاس و نصف ماء
3.3 كيسان حليب
4.بيضتين
5. 3 ملاعق فرينة أو أربع
6. شوكولاطة (اختيارية)
7.سكر
الطريقة :
1. نضع القهوة تغلي في الماء
2. كي تغلى مليح نصفوها من التنوة
3.نضيف إليها الحليب
4.في هذه الاثناء نضربو صفار البيض وحدو و الابيض وحدو و نطلعوهم مليح
5. نزيدو السكر و الفرينة للصفار و نضرب مليح
6. ناخذو شوي حليب نزيدوه للصفار نخلط و مبعد نرجعوه على النار ( ياكم تعرفوها هذي العفسة )
7. تبقي تحركي حتى تخثار
8. تبرد شوي مبعد زيديلها الابيض دفعات و تحركي بشوي
9.حطيها في غرفيات و زينيها كيما تحبي
( أنا هنا ماذكرتش الشوكولاطة على خاطر مادرتهاش لي يحب يديرها يذوبها و يزيدها للخليط )
إن شاء الله يعجبكم اختراعي و راني أول مرة نشارككم بوصفة امالا طبقوها على جالي حباباتي
صح فطوركم و سحوركم
أنتظر تطبيقاتكم