هذه اول مشاركة لي في هذا الركن و ارجو ان اكون عند حسن ظن جميع الاخوات الكريمات و خفيفة الظل
بمشاركتي بالمواضيع التي تفيد الجميع عملت نوع من Gateaux sec و هو يشبه كثيرا حلوى الطابع لكن هناك اختلاف بسيط في المكونات و عندها ذوق خاص بيها يجي كيما اللي تباع عند محلات الحلويات و هي اقتصادية نقدر نعطيلو اشكال نتاع حلوة الطابع
اليكم الخطوات مرفوقة بالصور كيما العادة
المقادير :
– 4 حبات بيض ( 3 للعجينة و حبة ندي الصفارفقط باش نطلي بيها )
– كاس زيت
– 1/2 كاس زبدة ذائبة وتكون باردة شوية
– كاس سكر عادي
– قرصة ملح( و هو سر الذوق فيها )
– قشور حبة ليمون كبيرة
– باكي خميرة كيميائية
– فرينة للم العجينة
التحضير :
– ندي وعاء كبير ندير فيه 3بيض و نضربوه بالخلاط الكهربائي مع مواصلة الخلط نضيف رشة ملح نواصل الخلط مع اضافة السكر ثم نضيف الزيت غير بالشوية كيما نحضر المايونيز و نواصل الخلط
– ثم الزبدة و نضرب نطفي على الخلاط نلاحظ ان الخليط اضاعف حجمو
– نضيف مبشور ليمون + شوية فرينة مع الخميرة و نخلط باليد و نبدا نزيد الفرينة غير بالشوية حتى تتلم العجينة و تولي طرية نغطي عليها و نخليها ترتاح 5د
– على طاولة العمل نحل العجينة 1/2 سم ونقطعها بطوابع دائرية
– ندهنها بصفار بيض من الاحسن يكون مخلوط مع شوية قهوة باش يعطيها ذوق
– بواسطة ظهر شوكة نرسم خطوط عمودية و افقية باش تدي شكل جميل
ندخلهم فرن يكون ساخن من قبل و نخليهم حتى يدو لون ذهبي
