Les crepesالكراب من مطبخي قاطو جديد

صباح الخير لبنات واش راكم ؟

المقادير ل ١٠ او ١٢ كريب حسب حجم المقلاة
٤ بيضات
٢٥٠ غ فرينة
١٠٠ غ سكر
رشة ملح
٤ م. ك زيت
١ م. ص فاني او صاشي سكر الفانيليا
حليب حسب الحاجة
كيفية التحضير
خلطي بيض وسكر بالباتور
اضيفي الملح و الفاني و الزيت و خلطي
اضيفي الفرينة و الحليب بالتناوب حتان تكملي مقدار الفرينه و شوفي الخليط اذا كان يابس عدليلو القوام نتاععو بالحليب لازم يكون قوام الخليط سايل باه يجيو لي كريب خفاف و رقاق و ماشي معجنين
ضعي مقلاه (لا تلتصق ) فوق النار دون ان تدهنيها و خليها تسخن ملييييييييييييح و ابداي تطيبي على نار هااااااااديه والباقي موضح في الصور


ملاحظات :
١-الخليط لازم يكون جاري
٢- الطياب يكون على نار متوسطه او هادية
٣- لازم كي تطيبي الكريب نتاعك و يحمار من تحت باه يجي بنين و ماشي معجن
٤- خلي الطبقة تكون رقيقة و علي حساب حجم المقلاة
٥- احتفظي به في كيس باه مييبسش
٦- اذا زينتيه و ماكيش رايحة تاكليه خبيه في ورق الالمنيوم في الثلاجة و من بعد دفيه قبل الاكل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.