اليوم جبتلكم وصفتين ساهلين و بزااااااااااف بنان
أيا نبداو بسم الله:
مربى السفرجل (كاين اللي يسموه معجون التباسا):
500غ سفرجل (حبتين كبار)_ سكر_ ليمون أو برتقال
اغسلي السفرجل و نشفيه و قشريه ثم انزعي اللب
و ضعي القشور و اللب في قدر بها كمية ماء مغلي.
السفرجل امسحيه بعصير الليمون باش ما يكحالش و قطعيه مربعات صغيرة و ضعيه في كسكاس فوق القدر و غطيها و أتركيها 20 دقيقة حتى تطرى
ارحيها بالرحاية اليدوية أو le bras
اوزني العصيدة المتحصل عليها
و لكل كيلة سفرجل ضعي 2 كيلة سكر ماشي معمرة
و زيدي عليها 1 كأس صغير عصير ليمون أو برتقال
و اخلطي ثم ضعيه في صحن فخار و أتركيه ليلة كاملة
في الغد تحصلي على هاذا
ضعي الخليط في كاسرونة على نار هادئة مع التحريك دون انقطاع ليصبح لونه ذهبيا
ضعيه في صينية مدهونة بالزيت و سويه
ولما يبرد غطيه بورق آلمنيوم و أتركيه في مكان عادي مدة 4 أيام على الأقل
بعد مرور الأربعة أيام قطعي مقروطات أو مربعات و رمديها في السكر العادي المعطر بالفانيلا ( يولي كي الحلقومة).
gelée السفرجل:
نأخذ كيلة من الماء اللي غلى فيه اللب و قشور السفرجل
و نزيد عليها كيلة سكر
+ قليل من عصير الليمون أو برتقال
و ضعيها فوق نار هادئة و نحرك مرة أو مرتين فقط بعد الغليان ( كي ما تحركيش بزاف يعطيك نتيجة أفضل)
خليه حتى يولي عاقد ( ياخذ شوية وقت من ساعة الى ساعة و نصف)
احتفظي بها في علبة محكمة الغلق
كي تجي تديريها و الحشوات و الناباج سخنيها شوية.
راني نكتب و عينيا يتغمضو 
لا تنسو التقييم حبيباتي