الهريسة
3 كيلو فلفل حار مغسول و منقي من الزريعة كما في الصورة
3 كيلو فلفل حلو مغسول و منقي من الزريعة كما في الصورة
ثوم مقشر على حساب الذوق الي مايحبهاش مايديرش بزاف انا درت بزاف نحبها
نحطهم كامل في قدرة و نفورهم كما في الصورة
الكمية الي درتها كبيرة فورتهم على مرتين
بعد ما يولو طريين انحيهم و نرحيهم برحاية اللحم او الطماطم انا رحيتها بتاع اللحم لازم تخدميها بالقفازات باش ما يضركش الفلفل الحار
و تعاوديلها في I
و بعد ما يترحى مليح لوحيه في قدرة لوحي فيه شوية كمون و شوية كسبر و فلفل اكحل و ملح و حطيه على النار مدة 10 دقائق
هاذ الكمية خرجتلي حوالي 5 كيلو هريسة
ونلوحها في زجاجات المهم ادريلها زيت من فوق و اقفليها و احفضيها في المجمد شفوها كفاش جاتني
