** تشيز كيك بدون جيــلاتــين **

إليــكم تشيز كيك بدون جيلاتين حاولت مانستعملوش وشفت طريقة اخرى لتجميد التشيز كيك ونجحت معايا وبنيييييييينة ان شاء الله تنال إعجابكم يارب

اولا المول لي درت فيه هاهو 18سم

الطبقة الاولى :

نحتاج بسكوي اي نوع انا استعملت (برينو 2 باكيات كيما لي في الصورة ) يمد احسن نتيجة وانت والذوق نتاعك + حوالي 2 اصابع مارغارين ( 60غ) ونرحيهم مع بعض حتى يرطابو تماما

ونرصهم في المول مليييح بالملعقة نعدلهم ونزيد بالكأس نرصهم ، ونحطهم في الفرن يكون سخون شوي 180° الرف يكون تحت ونخليهم 15د في الفرن لا أكثر ونخرج المول بيرد

الطبقة الثانية :

نحتاج فيها
كريمة شانتي + كريمة بالياؤورت والجبن والنشا

كريمة الشانتيي سهلة درتها متماسكة (( كأس حليب بارد + 8 م ك غبرة الشانتيي )) مع الخفق حتى تتماسك ونحطها في الثلاجة

الكريمة الثانــية :
– 3علب ياؤورت فراولة كيما النوع لي في الصورة
– 2 م ك نشا
– جبن أبيض واذا ستعملتي كيري حوالي مربعين منه
– Arôme ( عطر فراولة ) تتباع في قارورات صغيرة هاذي اضافة فقط حسب الرغبة نتاعك