السلام عليكم . واش حوالكم … ان شاء الله بخير و الصحة لاباس
اخيرا قدرت نحطلكم طريقتي في تطراح البساطات … الله غالب انا كنت حابة نحطهالكم من قبل بصح هدا وين قدرت . رالني خيرتلكم البساطات تع الكمخة و 2 الوان تع الملاس . يسميوهم البساطات تع الطبة
المهم نبدالكم بالدوات لي نقدروا نستعملوهم
بالنسبة للاقمشة و الخيط : نحتاجوا لونين من الملاس . الكمخة . خيط الحرير تع الكروشي للخياطة و الكوطون للتثبيت
نحتاجو تاني الزور لي نطرحو بيهم
نحتاجو البونج و كيما تشوفوا راني زدتلهم شوية بونج باه يجيوني البساطات كاملين . كيما علابالكم البونج كي يتخيط يتلم
نحتاجو تاني مقص . بيستوري . بريكي . الابرة . الطبشور من اجل الرسم
و نحتاجو الكادر لي نطرحو فيه البساط . انا تاعي راهو بمساحة 2 متر علا 80 سم من الجهة الداخلية و كيما راكم تشوفوا راني مكوفريتو بالقماش باه نسهل عملية التثبيت
الان ببداو نطرحو في لبساط :
رايحين نثبتوا الكمخة يعني نخيطوها ساير داير علا اللوحة
ثم نحطو الجهة الاولى من الزورة ثم البونج ثم الزاورة … من بعد نزيدو اللون الفاتح من الملاس ثم اللون الغامق
/COLOR]
ظرك نثبتو الملاس و لازم كي نكونو نثبتو منزيروش الملاس بزاف يعني نثبنو مش نخيطو كيما راهي موضحة في الصورة
رايحين نروح لرسم الرشام و قبل منرشمو نديرو الاطار الاول و الثاني باستعمال المسطرة
نروح للرشام وانا ديما نرسمو في طرف تاع النيلو و نثبتو بليزيبانقل علا البساط باه يجيني ساهل للرسم و نبداو نرسمو كيما توضح الصور
كي نكملو الرسم نبداو الخياطة . و راني جربت نوضحلكم طريقتي في هاد الصورة
نبداو نخيطو الاطار تع داخل ثم تع الخارج ثم الرشمة حتان نكملو
كي نكملو نقطعو باستعما البيستوري
حتان نكملو ..
نحيوه من اللوحة و نحوشيوه و طريقتي في التحوشية راني نديرهالكم في موضوع منفصل
ان شاء الله نكون عاونتكم و قدرت نفيدكم … تهلاو في رواحكم …. الى الملتقى