السلام عليكم و رحمة الله و بركاته
ربي يجازيكم على هذا القسم اللي يساعد كثير في حل المشاكل
بلا منطول انا راني نمر بمرحلة و بنفسية سيئة للغاية البكاء 24 ساعة و الله هذا خارج عن ارادتي
مشكلتي انه قبل 6 اشهر تقدملي شخص بعد السؤال عليه تبين انه وليد فاميليا و انسان ماشاء الله عليه. اهم حاجة اللي عجبتني فيه و بكثرة هي الثقافة الدينية اللي عنده و هو بالاساس طالب علم شرعي. هاذ الصفة خلتني نتعلق بيه بشششششدة خاصة و لله الحمد خاطيني علاقات مع الشباب الحمد لله ملتزمة باللباس الشرعي و نحاول الاجتهاد في الالتزام اكثر و اكثر. الشاب هذا كاين يشوفني من قبل و تبعني مرات كثيرة و كان مقتنع بيا 100ب 100 و حتى بعد ما تقدم كان مقتنع جدا و انه اخيرا لقى واش كان حاب سواء من ناحية الجمال او من ناحية الالتزام
حددنا كلش و انه بعد شهر رمضان راح نمكلو كلش من عقد شرعي و مدني
فات رمضان و حنا نستناو و مابان خبر. حسيت ان الدنيا ظلامت عليا و بعد شهر ورا رمضان قال راه عندي شوية مشاكل و مر الوقت و انا معلقة ماني عارفة راسي من رجليا و الحمد لله مع الاسخارة دائما. و لكنقبل اسبوعين يوصلنا خبر من عندو انه ماراحش يكمل لانه يبحث عن فتاة اكثر جمال بل و يريدها حسناء من الحسنوات رغم انه عادي جدا من ناحية الجمال
هذا الامر حطمني و دمر نفسيتي قلبي راهو واجعني و علاش دارلي هكذا. كرهت الزواج و سيرة الزواج خلق في نفسي فكرة الانتقام. ثقتي بنفسي ولات 0 بعد ماكانت في القمة. كرهت كلش خدمتي دارنا الجهاز اللي بديت نشريه
راني عارفة انه فيه خير اكيد هناك حكمة من عند الله سبحانه و تعالى لكن انا وحيدة في الدار و معندي حتى حد نفضفضله غير الوالدة الله يخليها و يحفظها
انا طرحت هذا المشكل اولا باش نفضفض و نحس انه كاين ناس تحمل معايا الهم
وثانيا رسالة موجهة لهذه الفئة من الرجال. نقولهم حرااااااام عليكم بنات الناس ماهمش لعبة. تلعبو بمشاعرهم و من بعد تقولو المكتوب. هو صح المكتوب لكن دير في بالك انك حطمت انسانة ماعندها حتى ذنب فقط انها دارت هي و اهلها فيك ثقة
و سمحولي على الاطالة و بارك الله فيكم و ربي يجازكم كل خير
سبحانك اللهم و بحمدك اشهد ان لا اله الا انت استغفرك و اتوب اليك
و السلام عليكم و رحمة الله