مازلت نكمل معاكم في ما يخص قشور البرتقال وجبتلكم هذي الوصفة مافيهاش حوايج ياسر وبنينة روعة واهم من هاك ما تعييش
المقادير: كرام فراش واذا ماعندكش ديري كرام شانتيي بودر
3 بياض بيض
3 صفار بيض
سكر رطب حسب الذوق و فاني وقشور البرتقال
هذا ما كان شفتو مافيهاش ياسر حوايج
الطريقة:
طلعي الكرام فراش مع الفاني كيما الشانتيي او طلعي الشانتيي غبرة
ضربي الصفار حتى يولي قريب كيما المايوناز وديريلها قشور حبة برتقال
ضربي البياض مع قرصة ملح كيما المورانغ وزيدي السكر الرطب انت وذوقك
ومن
الاحسن البياض تضربيه هو الاخير خلطي الصفار مع البياض بالشوية
ثم زيديلهم الكرام شانتيي
جيبي مول الكيك غطيه ببلاستيك شفاف
ديري في الاسفل مكسرات او فاكهة تحبيها مثل الفرولة او بدون ما ديري والو
وفرغي الخليط نتاعك
وغطيها مليح وديريها في الكونجيلاتور
وبصحتكم 