أولا هادي هي الغرزة
و طريقة العمل للشكل المثلث
و هادا الفيدو يوضح طريقة العمل
https://www.youtube.com/watch?v=pUK1RbjLNjI
و هادو بعض تطبيقاتي للموديل
https://www.djelfa.info/vb/showthread.php?t=1176881
ملاحظة …………يمكن العمل باي نوع من الخيوط حسب الحاجة
نبدأ على بركة الله
اولا نديرو 01 سلسلة عادية + السلسلة الثانية نوسعوها شوية قد ما حبينا الغرزة تكون و نسحبو الخيط من تحت علامة x
يولي عندنا لفتين على الكروشي
نسحبو الخيط
و نتحصلو على العقدة تاعنا لي هي عقدة الحب او الياسمينة عندها عدة مسميات
نكررو العملية حتى نتحصلو على 4 عقد…………….العلامة الصفرا معناها تشابك النقطتين
نتيجة التشابك
……………….هنا نحظو ان العمل في تزايد اي كل سطر عندنا مربع اضافي
هنا انا درت مقاس صغير لضيق الوقت … 16 سطر فقط ………..انتو 24 سطر و لي تحبها أكبر تزيد
ناخد 10 مربعات تاع الوسط نعمرهوم ب 4 اعمدة + 01 سلسلة بيناتهم ………..هنا عمرت 6 مربعات ……….و العمل يبقى نفسو في الجوانب
السطر التالي ندير نصف عمود على الاعمدة السابقة و حتى السلسلة لي بيناتهم ما ننساوهاش ………….نخدمو 4 اسطر تاع نصف عمود
هنا كملنا و ننتقلو للحاشية تاع الفولارة
نخدمو 4 اعمدة في المربع + 2 سلسلة + غرزة حشو في المربع التالي + 2 سلسلة + 4 اعمدة في المربع التالي و ندورو على الفولارة
و كي نوصلو للامام نخدمو نصف عمود كما السابق و نكملو الفولارة ………………و تبعثوهالي هههههههههههههههه
اسفة على التأخيييييييييييييييييير …………و في انتظار تطبيقاتكم الزينة
