السلام عليكم و رحمة الله و بركاته
انا متزوجة من خمس سنوات ومعنديش اولاد
مرات كي نكون نايمة نحس بشد في جسمي منقدرش نتحرك و نفيق بلي راني راقدة و منقدرش نوض هادي من قبل الزواج تجيني مرات مرات بصح بعد الزواج كثرت و وليت كي نفيق و منقدرش نوض نقرأ قرآن كي نولي نقرا نحس بالم كبييير في فمي و وجهي و نحس بصوت صفير في ودني قوي لدرجة نقول مرات ضرك نستسلم و نبطل قراءة القران نشوف وش رح يصرا مبعد نتشجع و نكمل نقرا حتى نوض من النوم وانا تعبااااااااااانة من الصراع اللي حيرني علاه كي نقرا قران نتالم و نسمع الصفير
و ايضا نحس بشخص معي في الفراش اول مرة وانا نايمة نظنو زوجي مع العلم ان زوجي يعمل بعيدا شهر معايا و شهر لا وانا الحالة هادي الاغلب تجيني كي يكون راجلي مسافر و مبعد كي نتفكر راجلي بلي مسافر نبدا نقرا قران نحس بشد كبير منقدرش نتحرك و حتى النطق منقدرش بسييييف منكمل نقرا سورة ولا زوج بش يروح عليا و نقوم من النوم
اصبحت في الفترة الاخيرة كثييرة النسيان و الغضب حالتي النفسية تعبانة من تأخر الانجاب بصح الحمد لله على كل حال انا راضية بما اعطاني الله مع العلم انو عندي تكيس على المبايض و زوجي عندو ضعف و تشوهات و حملت مرة و اجهضت
ارجو ان تفيدوني بتتفسير لحالتي و علاج مفيد و رقية شرعيةنافعة اداوم عليها بنفسي لان زوجي رافض تماما فكرة الرقية عند شيخ
و بارك الله فيكم