السلام عليكم واش راكم يا لبنات لي تحب الخوخ تتفضل معايا للكوزينة
اليكم الفطيرة بلابات بريزي
المقادير
2 كوب ونص فرينة
1 كوب زبدة مقطعة و جامدة
رشة ملح
1/2 كوب ماء جامد
في الروبو و وباستعمال الشفرة نضع المقادير ماعدا الماء
وشعلي حتى تترمل
ثم ضفي الماء و شعلي حتى تتلم شوفو شحال طرية
ديريها في نيلون و ادخليها الثلاجة 30د
بعدها اجبديها واقسميها على زوج
رشي السطح بالفرينة و حليهارقيقة شوية
ادهني القالب تاع الفطائربالزبدة و الفرينة انا ماعنديش استعملت هذا
حطيها في القالب بالاستعانة بالحلالة و اقطعي الجواف الزائدة بسكين
الحشو
خوخ يكون يابس شوية مقطع شرائح
1/3 كوب فرينة
1كوب سكر
2 فاني
عصير حبة قارس
رشة ملح
اخلطيهم مع بعض و ضعيهم في الوسط بحيث تشكلي هرم
ضعي قطع من الزبدة ثم حلي النصف الثاني من العجينةغطي به القالب و انزعي الزوائد
حاولي تزيين الحواف بواسطة الاصابع ( اني نخدم و نصور ما قدرتش نصور هذه المرحلة
)
بالعجينة الزائدة نحلوها رقيقة و نعملو منها ريشات ونزينو بيها الفطيرة طبعا نلصقوهم بالبيض مخلط بقليل من الماء
[IMG]
[/IMG]
و ندخلها الثلاجة حوالي 20د ثم نجبدها وندهنها بالبيض ونلوحوها تطيب في درجة حرارة 220د مدة 10د ثم نقص للنار 180د مدة تقريبا ساعة
و هذا الطرف لاول وحدة ترد
شوفو الخوخ كيفاه ذايب في الوسط
انشاء الله تعجبكم و رايكم يهمني
يمكنكم استبدال الخوخ بالتفاح او الاجاص
الكلمة الطيبة صدقة