التصنيف: حلويات جزائرية

السلام عليكم اريد طريقة صنع الزلابية

السلام عليكم و رحمة الله تعالى و بركاته
هدا الموضوع هو اول مشاركة لي نتمنى يعجبكم وادعولي بالتوفيق
جبتلكم قاطو الطبقات بطريقة اخرى
المقادير
3 بيض
1 كأس سكر عادي
3 ملعقة اكل عسل
2 ملعقة اكل كاكاو
1 ملعقة اكل خل
نصف ملعقة صغيرة بيكاربونات الصودا
ملعقة صغيرة فاني
فرينة
للتزيين
معجون و مكسرات مرحية
الطريقة
نخلط بيكربونات الصودا مع الخل
نخلط البيض جيدا ثم نضيف السكر و العسل و الكاكاو ثم بيكربونات مع الخل و الفاني
نلم الخليط بالفرينة حت نحصل على عجينة عادية نقسمها الى 3 كرات متساوية نغلفهم ببلاستيك و نغطوهم و نخليوهم يرتاحو حوالي نصف ساعة
نحل الكرة الاولى فوق ورق الزبدة رقيقة والى الفرن لمدة قصيرة جدا و ما تخافيش يجي يابس رايح يولي طري بعد ما نديرو عليه المعجون
نفس الطريقة مع الكرات المتبقية
نقطع الحواف متساوية والبقايا نرحيوها
نضع الطبقة الاولى ث المعجون وهكدا حتى الطبقة الاخيرة نضع المعجون ونرش عليه المكسرات او البقايا التي رحيناها
غطي القاطو و حطي فوقه حاجة ثقيلة حتى يتماسك جيدا ثم قطعيهمربعات او معينات و بالصحة و الهنا
و هدي صورته هزيتها من cd

للامانة الصورة منقولة لكن نفس الشكل

الصور المرفقة

tage.jpg‏ (97.4 كيلوبايت, المشاهدات 288)

اولا لتحضير لاجينواز
4 حبات بيض
125 غ فرينة
125 غ سكر
للطبقة الثانية
500 غ فواكه حمراء تقدرو تبدلو ديري فراولة او اجاص
200 غ سكر
40 سل كريمة سائلة تكون فيها مادة دسمة 30 بالمئة تقدرو تعوضوها بشانتيي غبرة مع الحليب و اذا الشاتيي تاعكم فيها السكر نقصو لكمية السكر و ايضا نقصو للسكر ادا الفاكهة تاعكم حلوة
عصير حبة ليمونة
6 اوراق جيلاتين انا درت 4 غ agar agar هو عبارة عن جيلاتين نباتي

بالنسبة للطبقة الاخيرة تقون رقيقة
هي عبارة عن الفاكهة اللي خدمتي بيها و تكوني تركتي نصف كاس على جنب ما يعادل 22 سلل
2 غ agar agar او 2 اوراق الجيلاتين

طريقة التحضير
بالنسبة للاجينواز
في اناء اخلطي صفار البيض مع السكر حتى يصبح ابيض ثم ضعي الفرينة شيئا فشيئا و في انا اخر اخلطي بياض البيض حتى يصبح كالتلج ثم ضعيه غير بالشوية في الاناء الاول و اخلطي الكل من التحت الى فوق ثم افرغيب في صيننية تكوني دايرا فيها ورق الزبدة او تكون مدهونة و مرشوشة بالفرينة

ندخلها الى الفرن ساخن 200 درجة لمدة 10 دقائق او يمكنك ادخال سكين ادا وجدتيه ناشف يعني راهي طابت نزعيها من الفرن و اتركيها تبرد

بالنسبة لل bavarois
في اناء ضعي الكريمة السائلة طلعيها مليح شانتيي و لكي تصبح شانتيي متماسكة لازم ديري اناء به ماء مثلج و في الاناء التاني طلعي الشانتيي اتركيه جانبا او يمكنك ادخاله للثلاجة

بالنسبة للفاكهة انا استعملت فواكه حمراء مثلجة اطحنيهم جيدا ثم اضيفي عصير ليمونة كاملة ثم اضيفي 200 غ سكر و ااطحني الكل مع بعض انزعي من هذا الحليط مقدار نصف كاس كبير اي 22 سلل ما يعادل 220 غ و هذا لوضعه في الواجهة

بعدما طحنا الفاكهة نضعها في كاسرونة و نضع عليها 4 غ agar agar نخلط جيدا ثم نضعها فوق النار في الطبخة الاولى ننزعا من فوق النار و نتركها تبرد و لكن ادا استعملتم الجيلاتين فهو يختلف في الاستعمال

بعدما برد مطحون الفواكه نخطه مع الكريمة السائلة للي اصبحت شانتيي نخلط الكل جيدا حتى يصبح الكل بنفس اللون

بعدما بردت لاجينواز نحاول تقطيعها بالمول الذي سنضع الكل فيه

ثم نضع لاجينواز في المول سواء كان دائري او مربعا او مستطيلا و نحاول ان لا نترك فتوحات في الجوانب

ثم نضع الخليط فوق لاجينواز و ندخل المول في الثلاجة لمدة نصف ساعة او اكثر

بعد مرور نصف ساعة نضع النصف الكاس المتبقي من مطحون الفواكه في كاسرونة و نضع عليه 2 غ agar agar و نخلط الكل جيدا و نضعه فوق النار في الطبخة الاولى نبعده من النار و نتركه يبره ثم نضعه في واجهة ال bavarois و لكن بشوية ما تفرغوهاش في بلاصة واحدة انا لبارح كنت نهدر و ما ركزتش دارتلي حفرة صغيرة هههه و و بعدما جعلناها طبقة وحدة ندخلها للثلاجة
بعدما تجف يمكنك تزيينها

و هادي للي درتها في المرة الاولى

هذه الحلوى تستهلك باردة مازال ما نقطعها نستنا حتى يجي زوجي ان شاء الله
و شهية طيبة

مقروط لوز
اسفة على التأ خير الانترنت متحكمش معايا
"3 عبار لوز ناشف في في فرن ساخن من قبل وطافي+3/4 سكر عادي+لفاني +قشور الليمون ثم ارحيهم مع بعض مستوى وسط ثم لميها ب1 بيض مضرب واذا ماتنلمتش اضيفي 1 صفار بيض فقط حتىتنتلم وماتكونش جارية وخلي العقدة ترتاح 5 سا ثم شكلي حربوش وقطعي عبر 2 اصابع فقط والعلو ايكون وسط ويطهى مدة 10 الى 15 د حتى ينشف البيض ويحمار غير شوية من الاسفل
2** تكوني موجدة السيرو انتاعو من قبل 1 كيلة ماء+1+1/2 سكر عادي وتروكيهم حتى تثقل
منبعد اغطسي الحبة في السيرو ورمدي في سكر القلاصي حتى تكملي وتروكيهم ينشفو منبعد عاودي رمدي الحلوى انتاعك في السكر القلاصي مع اضافة لفاني منبعد ديريهم في ليكيسات

وصفة الكعيكعات او الحنيونات
احنا في المنطقتنا انقولولهم الحنيونات
المقادير:
250 غ لوز مرحي غبرة +125 غ سكر قلاصي+1 م ك زبدة +عصير الليمون ثم لميها بياض البيض مضرب وميكونش الخليط جاري لازم ناشف شوية باه الشكل ميخسرش
شكلي حربوش ودوريه على بوشون تاع قارورة صغيرة تاع دواء مقلوبة تعطيك شكل اسورة وديريهم في الفرن 120 درجة حتى يطهى بلون ذهبي منبعد اطليهم بالقلاصاج او رمديهم بسكر القلاصي كما تشائين
واذا احتجتي اي وصفة انا في الخدمة تحياتي

من فضلك اختي كنتي وضعتي صورة لمقرقشات في قسم واش طيبتي اليوم لكن الوصفة مالفيناهاش من فضلك الوصفة ادا اكن والف شكر