السلام عليكم وصباحكم بالخير
هذا خبز حلو وهشوش يصلح مع القهوة والحليب ويتكاكل حتى وحد لان هشوش وطري حتى كيما يبات
المقادير/ 500غ فرينة + 3 مغارف سكر اوعسل + مغرفة كبيرة خميرة خبز + نصف باكي علبة خميرة حلويات
+ مغرفة صغيرة ملح + 2 او 3 مغارف كبار حليب بودر / لحظة/ ونلمهم بماء دافي ولازم نتحصل على عجينة
طرية تلصق باليد
ومن بعد نضيف 2 مغارف زبدة طرية ونعجن حتى تدخل الزبدة في العجين
ونخليها تخمر حتى يتضاعف حجمها
وهنا راهي خمرت
نهبطها بيدي ونخرج منها الهواءوناخذ كمية من العجين حسب حجم المول انا المول تاعي صغير اخذت
اكثر من نصف العجين
نحل على شكل مستطيل ونحط عليه شوي زبيب مغسول
ونلف
ونحط في مول الكيك بعد ما دهنت بالزيت ونذرذر عليه شوي فرينة
ونخليه يخمر
وهنا بعد ما خمر وندخل للفرن من غير ما ندهن
وهنا بعد ما طاب
نحيه من المول ونحط فوق سياج
ونخليه يبرد مليح ثم نقسم
، تفضلوا :
