بنت عمتي 40 سنة لا تريد الزاوج

هذي بنتها كبيرة في السن في عمرها 40 سنة بصح لو كان تشوفها تعطولها 25 سنةماشي مزوجة

خطبوها شحاااااااااااااال مقبلتش وغير كيما زاد خطبها واحد والله قع فرحنا قلنا راح تقبل ولكن ولو

كنا نقصرو معاها وقعدت نقوللها يا بنت عمي وعلاه متزوجتيش تقولي اتزوجي غير انتي واختك وخلاص

قلنلها ضوك تقوليلنا وش هي الموصفات تع الراجل لحبيتي تتزوجي بيه قالتلنا مكاش في بالي حتى حاجة

قالتلها اختي بعدة وعلاه عليك هكذا قالت والله كلما تهدرولي على زواج نحس روحي تتخنق

تعيشو اذا تحبوني متهدروش عليه معلش انا قلت بالك كي عاد كبير في السن تحسست

قلنا خلاص كي يجي بابا يرقلك بالك بيك عين بابا -مهوش راقي –

كي جه بابا قلنالو ارقيلها قال اوك

بابا مهوش راقي قوي بدا يقرا عليها المعوذتين واواخر سورة البقرة حتى بدات بنت تعمتي تعيط وتبكي

وهو يقرا حتى طاحت من المطرح وقعدت تخبط وتعيط وتتمتم بهدرة مفهمنهاش

وكي شربت الماء المرقي فهمها تعوج الله المستعان الله المستعااااااااااااان

ومبعد بابا توقف عن قراة القران ولات بنت عمتي لحالتها الطبيعية

كانت حتروح البارح لفرنسا ولكن مخلهاش بابا قللعها زيدي اقعدي نديك عند راقي قادر

فعلا بطلت مراحش تسافر وراح زيد تقعد يمات

شفتو 40 سنة وهي عايشة هكذا ومجبتش خبر لحالها

هي والله عايشة نورمال بصح هي عايشة في فرنسا لا قران لا ولو

مع العلم هذي بنت عمي من الي توفى باباها بدات تتقرب الى ربي سبحانو بدات تصلي

وحتى دخلت تتعلم العربية ضوك عندها 3 سنين وهي تتعلم بصح ساعة في كل سمانه ماشي كافية بش تتعلم كلش

كي تقرا القران تهجي وظل تقولي اشرحي هذي وهذي

والله كي نشوفها حبها لكبيرة لتعلم اللغة العربية بش تحفظ القران واصراره قلت في نفسي احنا في نعمة ولكن

كاين بزاف ماشي فيقين لهذي النعمة

تقولي انتي راكي في نعمة تقراي بالتجويد انا هاتي بك نقرا هذا مكان

المهم وش حبيت نقولكم تدعولها ربي يفرج عليها ويزيل عليها هذا المس والسحر

وربي يهديها اكثر واكثر ويوفقها لحفظ القران وفهمه

هذي عمتي عندها بنتها اخر تاني محبتش تتزوج وتاني وليدها محبش يتزوج

ربي يهديهم يارب

نطلب منكم ادعـــــــــــــــــــــــــاء

ولازم كل واحد ياخذ حذره ويحصن نفسه بالرقية والاذكار