مقادير الكيك:
كاس و نصف فرينة
2 ملاعق كبار كاكاو
كاس و نص سكر
2 ملاعق صغارة خميرة حلوة
قرصة ملح
2 حبات كبار بيض ايلا كانو صغار ديري 3
نص كاس زيت
فانيلا
3/4 كاس حليب سائل
ربع كاس مائ دافئ
التحضير:
نضرب السكر مع البيض و الفاني جيدا جيدا
ثم نضيف الزيت و الحليب و نستمر في الخفق
ثم نضيف النواشف و نخلط و في الخير نضيف الماء راح يكون الخليط سائل شوية على خليط الكيك اللي عهدناه
ثم نضعهم في مول دائري بعدما ما نكونو طليناه بالزبدة الطرية جيدا و رشيناه ملييييييح بالفرينة و ندخله لفرن مسخن مسبقا و نخلوه يطيب لما نحس بيه طاب نغرز فيه سكين ايلا خرج ناشف يعني راه طاب و ايلا خرج سائل يعني مازالو وقت باش يطيب
في هذي الاثناء نوجد :
للتزين:
نحتاج كريمة شانتتي نكونو وجدناها من قبل و طلعناها بالحليب او الماء البارد و نخلوها فالثلاجة تبرد.
نحتاج مكسرات : كوكاو أو لوز أو بيستاش أو جوز اللي عندك طبعا محمصين و مطحونين
طريقة تحضير الكراميل :
نحتاج سكر الكمية و انتي و واش تحبي انا درت 2 كؤوس لانو خاوتي يحبوها فالكيكة و يحبو نحطلهم مع الكيكة باش يغمسوها فيها لانو بنينة رهيييييييييييييبة
نضع السكر في كسرونة على النار و نخلوه حتى يذوب بدون إضافات حتى يولي لونه مثل الكراميل
ثم نفرغ عليه الحليب انا درت 2 كاس سكر درتلهم نص كاس حليب و شوية و نشوف ايلا يخصني حليب نزيد و نبدا نحرك فيه حتى يذوب
و لما يذوب نرمي فيه قطع زبدة حوالي 3 ملاعق زبدة طرية
و نخليها تذوب فالخير راح نتحصل على خليط يطون شوية عاقد ايلا ماجاكش عاقد تنحي شوية من الخليط تبرديه شوية و تزيديلو شوية مايزينة و تذوبيها فيه و تضيفيه للكراميل و تحركي حتى يغلي و خليه يبرد
هنا تكون الككية بردت و الكراميل بردت
نقسم الكيكة على اثنين و نشرب القسم الاول من الكيكة اي القاعدة و نديرلو شوية كراميل ثم الشانتيي كيمية مليحة و ثم الكراميل و رشي المكسرات مليح مثل الصورة
ثم نغطي الكيكة و نغطيها بطبقة مناسبة من الشانتيي و الحواف ايضا نديرلهم الشانتيي و نغطيهم انا غطيتهم بالكوكاو لانو يجي بنين مع الكراميل
ثم ندير فالحواف اشكال بالشانتيي و نديرهم متلاصقين باش كي ندير الكراميل ما تسيحش على الجوانب و تبقى فالوسط
هنا فرغت الكراميل بعدما بردت طبعا و ولات عاقدة شوية
ثم زينيها كيما تحبي انا زينتها بورود الشانتيي
فيديو يوضح طريقة صنع الورود
https://www.youtube.com/watch?v=JOsbUAvVgfI
قطر المول : 22 سم
نتمنى تكون عجبتكم الوصفة ولا تنسوني من صالح دعواتكم
تحياتي للجميع