بسم الله الرحمان الرحيم
السلام عليكم اخواتي
جبتلكم اليوم تارتة باردة بالفلان وماجور ذوقها هاااايل ومقاديرها بسيطة.
بالنسبة للمقادير على حسب المول المستعمل اذا كبير نزيد فيها.
المقادير:
علبة ونصف ماجور واذا ماكانش ممن نستبدله باي بيسكويت اخر لكن اكيييد بماجور الطعم احسن
كمية من الزبدة المذابة
2علب ذوق فاني وممن نغيره حسب الذوق
لتر حليب
زوج م ك نشا
3م ك سكر ممكن اقل اواكثر حسب الذوق
للتزيين
كريم شانتيي
شكولة مبشورة
الطريقة:
نرحي قاطو ماجور جيدا ونضيفله كمية من الزبدة المذابة حتى نتحصل على خليط يمكن فرده
نبسط الخليط في مول ممكن نستعمل لي يتفتح او اي مول اخر
نبسطها ونضغط عليها من فوق بالملعقة هكذا
من جهة نحضر الفلان عادي نخلط الحليب مع الفلان والنشا والسكر جيدا من بعد نحطهم فوق النار مع التحريك ثم نفرغه على طبقة البيسكويت
نخليها تبرد في الثلاجة من بعد نزينها بكريم شانتيي ومبشور الشكولة
://
هنا كي قطعتها امممممم
وهذي القطعة لاول واحدة ترد
ان شاء الله تعجبكم وتجربوها
في امان الله