السلام عليكم حبيباتي
اليوم عملت تارتولات بكريمة الباتيسيار و زينتها بالفريز
مكوناتها و تطبيقها ساهل خلاص
مكونات العجينة
250 غ فرينة
125 غ زبدة
100 غ سكر عادي
1 و 1/2 بيضة ( بيضة كاملة + صفار)
فانيليا
قرصة ملح
قرصة خميرة الحلويات
حليب ادا لزم الامر ( 2 ملاعق كبار)
creme patissiere
1/2 لتر حليب
1 و 1/2 بيضة ( بيضة كاملة + بياض البيضة المتبقية)
150 غ سكر رطب
75 غ نشاء
فانيليا
zest de citron
عصير 1 ليمونة
ملعقة ص زبدة
العجينة
تخلط الزبدة مع السكر حتى تصبح كريمة و تضاف باقي المكونات ابيض و الفانيليا و الملح و الخميرة و الحليب و يخلط جيدا بالخلاط الكهربائي
ثم تضاف الفرينة و تخلط المقادير تتحصلين على عجينة تلصق شوية معليش حطيها في بلاستيك و دخليها الثلاجة ترتاح و كي تخرجيها تكون مليحة
ضعيها في لي مول و اثقبيها بالشوكة و حطي فوقها ورق و فوق الورق ضعي فول او حمص
ضعيها في الفرن 180* مدة 15 د ثم انزعيهم و انزعي الورق و الحمص و ارجعيهم للفرن ليتحمر الوحه مدة 5د
creme patissiere
نضع الحليب على النار ليغلي
نضرب البيض بالخلاط لنتحصل على رغوة ثم نضيف السكر و الفانيليا و عصير الليمون و zest و النشاء ونخلط جيدا بالخلاط
نحضر الحليب و هو ساخن و نصبه فوق خليط البيض و السكر تدريجيا مع الخلط المتواصل بالخلاط لنتفادى نضج البيض حتى نفاد كمية الحليب
نرجع الخليط الى الكسرونة و نضعه فوق النار مه الخلط المتواصل بالخلاط اليدوي فقط **يجب عدم التوقف من اللط **
عند تماسك الخليط ننزعة من النار و نضيف ملعقة صغيرة زبدة / نغطيع ببلاستيك و نضعه في الثلاجة
عندما تبرد لي طارتولات نعمرها بالكريمة و نزينها بالفاكهة