بسم الله الرحمن الرحيم
هاد التيراميسو من ابسط و اسهل ما يكون ساهل مليح لضياف الغفلة و للسهرات و للتحليات اقتصادي و يعمل كمية ماشاء الله دون الحاجة للبيض النيء و خصوصا مع فترة الصيف
المكونات :
علبة تيراميسو تشترى جاهزة
2 اكياس لونق دو شا
فنجال كريمة شونتي و ممكن الاستغناء عنها
قهوة او ناسكافي او حليب مع شكولا كل واحد و ضوقة لتغميس البسكوت
كاكاو مر او كاكاو العلب او شوكولا بودرة لرشها فوق الكريمة
علبة فلون شوكولا او اي ذوق
نصف لتر حليب ناقص فنجانين نفيضوه و نتركه يبرد ثم ندخله المجدمد حتى يبرد جيدا
نصف لتر حليب ناقص فنجانين نخلط معاه الفلون و نطبخه
شكولا مبروشة برشا خشنا في مبرشة البصل
التحضير :
اولا نطبخ الفلان و نسكبه فالاكواب و نتركه يتماسك
نفيض الحليب و نتركه يبرد خارجا ثم نصفيه و ندخله الثلاجة حتى يبرد جيدا مثل الحليب المستعمل للكرام شونتي
نفرغ العلبة و معها الكرام شونتي
نضيف الحليب و نخفق مدة ربع ساعة او اكثر على حيب الباتور و سرعته
الحليب فالعلبة متوب 250 ملل و انا اضفت فنجان كرام شونتي لهاذا زدت كمية الحليب
عندما تعمل امواج و تتماسك و لا تسقط بسهولة من المضرب نتوقف و نبدأ في افراغها
الفلون تماسك و اصبح بارد
عملت كمية بدون فلان و الكمية الاكبر بالفلون
فرغي الكريمة ثم غطسي البسكويت فالقهوة انا غطستها في قهوة نسكافي مخلطة مع شكولا بودرة
رشي الشوكولا او الكاكاو بين الطبقات انا نرش فقط فالطبقة الاخيرة
ابرشي شوكولا فوق الاكواب
غطيها جيدا بورق التغليف خخخخخخ قمطيها مليح تفاديا للنبش و الذوق و السرقات و حتى ان التيراميسو يمتص الروائح من الثلاجة و خليه فالبراد حتى للغد و قدميه
ملاحظات :
انا عائلتي ما تحبش الكاكاو بودرة استعملت الشوكولا بودرة
علبة الكريمة سعرها 180 دج يعني 18 نلف و عملتلي 12 كوب
و كيس لونغ دوشا 25 دج الفين و خمسميا
ممكن تستغني على بسكويت لونغ دو شا و تعملي مكانو قاطو بيمو تانغو اممممممممممممم مانحكيلكمش شحال يجي بنين بيه روووووووعة
وصفة سريعة و سهلة و اقتصادية في نفس الوقت
دعوة خير لكل وحدة دخلت تكفيني