هذي الصامصة وجدتها لنسابنا كي جاو من العمرة وكان بقالي حبيبات ذوقت صحبتي منهم وعجبتها وطلبت الوصفة
راني وفيت بالوعد حبيبتي واي استفسار راني في الخدمة
العجينة
كاس مرغرين ذايبة و زيت (ثلات ارباع مرغرين و ربع زيت)
كاس ماء
لفاني
قرصة ملح
فر ينة
العقدة
700غ كوكاو +300جوز الهند (نوادكوكو)
250غ سكر رطب
لفاني
عطر اللوز الحلو
و عطر زهرة البرتقال
ماء الزهرتلمي بيه الحشو
طريقة التحضير
نخلط الماء و الزبدة و الزيت و الملح و الفاني
ثم نزيد الفرينة شوية شوية حتى تولي عجينة
نلمها في كيس بلاستيكي و نخليها ترتاح شوية من ربع ساعة فاكثر
نوجد العقدة
نخلط مقادير العقدة و نلمها بماء الزهر
الان نبدا في حل العجينة بعدما ارتاحت
في رقم واحد نخدمها 3مرات حتى 4مرات نطبقها على 3 و نعاود نحلها خدميها مليح
نحلها الان في رقم 4
ناخذ هذي العجينة لي حليناها في رقم 4 و نقيس ب3اصابع و نقطع مستطيلات
و نحل كل مستطيل في الرقم الاخير انا عندي 6
ناخذ مثلث من العقدة
ونبقى نلف
اقطعيها بالجرارة و تحطيها في سني و غطيها حتى تكمل اقليها في زيت سخون على نار متوسطة
قطريها و عسليها مرتين
هنا من الداخل
ارجواان يكون وفقت في الشرح