نصائح من جامعي و من مجتاز باكلوريا هذه السنة تحضير بكالوريا

سلام عليكم
انا اجتزت الباكلوريا السنة الماضية و تحصلت و لله الحمد على معدل 13.04 اداب و فلسفة
و مجتاز للباكلوريا هادا العام ايضا

انا شاهدت عدة امور تتكرر من عام لاخر و حبيت نوله ليها خاوتي كامل في هدا المنتدى

أول حاجة هيا الاشاعات : نفس السيناريو العام اللي فات قالو راهي النتائج خرجت سيبون و زيد كيف خرجت قالو راهي غالطة و ما نعرف وش
انا حاب نقلكم هادي مدة لازم تبعد فيها فكرك عن كل حاجة ممكن تشوشو و اعطي الثقة في ربي سبحانو و ما تبقاش تفكر النتيجة تخرج اليوم و الا بعد اسبوع ماكانش فرق المهم انت توكل على ربي و ما تسمعش لاي اشاعة

حاجة اخرى و هيا موضوع النسب انا نقلكم انو بالامس اكتمل التصحيح و اليوم يقولو النسبة كيفاش ؟؟؟؟؟؟؟؟؟
هذا غريب لانو النقاط مازالت ما تصبطتش كامل و ايضا المعدلات ما تحسبتش لانو في ظرف يومين تقوم لجنة بالمقارنة بين علامة التصحيح 1 و التصحيح 2 و عليه النتيجة ما يعرفها حتى واحد الان
و ايضا باش تعرف الصحافة النتيجة لازمها تزور 49 مركز و تجمع من عندهم المعلومات على النتائج و هذا مستحيل لانو النتائج مازالت مادخلتش لمركز التجميع و كل ما تقوله الصحافة مجرد توقعات
ايضا يقولو ان الاداب و فلسفة نسبتها ضعيفة مقارنة بالعلميين اكيد راح تكون نسبة اقل لانو في الادبيين شعبتين فقط و على الاكثر فيهم 3 اقسام بينما العلميين اكثر من 6 شعب و عشرة اقسام
انا نعطيكم مثال العام اللي فات الشروق قالت الاداب خلاوها و النهار قالت العكس ….. ربي يسترنا من الصحافة

أيضا في ما يخص التخصصات كيف تنجحو نشالله لازمكم تربصو رواحكم يا جماعه و تعرفو كيفاش تخيرو و انا لا اخفيكم انو احسن تخصص للادبيين هو المدرسة العليا للاساتذة و تليها علوم انسانية و عليه ما تعمروش فقط بطاقة الرغبات لانو بيها تقررو مصيركم و انا حاضر يا اخوان في اي استفسار و شكرا لكم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.