التصنيف: حلويات جزائرية

اليكم هذا

السلام عليكم اختي الغالية ام اماني اسفة على ازعاجك لكن عندي بعض التساؤلات حول قلب اللوز باللبن
انا تابعت تطبيقك لقلب اللوز و عجبني شرحك الوافي و جربتها واتبعت نصائحك و كيما قلتي تماما
لكن ما نجحتليش الوصفة مية بالمية مالا قلت اكيد انا اخطأت لهذا عندي بعض التساؤلات و نتمنى تجاوبيني ربي يبارك فيكي
أولا : ماذا تقصدين بالدشيشة هل هي النخالة ؟
ثانيا : اذا لم اجد الدشيشة هل استعمل السميد الخشن ؟
ثالثا : لما نضيف ماء الزهر للمقادير متى نتوقف يعني هل عندما نحصل على عجينة كيما تاع المقروظ
خاطر انا كي درتو البارح جاني مطين من داخل و شوي يابس و ما فهمتش وعلاه
نتمنى تجاوبوني ربي يبارك فيكم كل وحدة جربت الوصفة تقولي و بارك الله فيكم

مقروط لوز
اسفة على التأ خير الانترنت متحكمش معايا
"3 عبار لوز ناشف في في فرن ساخن من قبل وطافي+3/4 سكر عادي+لفاني +قشور الليمون ثم ارحيهم مع بعض مستوى وسط ثم لميها ب1 بيض مضرب واذا ماتنلمتش اضيفي 1 صفار بيض فقط حتىتنتلم وماتكونش جارية وخلي العقدة ترتاح 5 سا ثم شكلي حربوش وقطعي عبر 2 اصابع فقط والعلو ايكون وسط ويطهى مدة 10 الى 15 د حتى ينشف البيض ويحمار غير شوية من الاسفل
2** تكوني موجدة السيرو انتاعو من قبل 1 كيلة ماء+1+1/2 سكر عادي وتروكيهم حتى تثقل
منبعد اغطسي الحبة في السيرو ورمدي في سكر القلاصي حتى تكملي وتروكيهم ينشفو منبعد عاودي رمدي الحلوى انتاعك في السكر القلاصي مع اضافة لفاني منبعد ديريهم في ليكيسات

وصفة الكعيكعات او الحنيونات
احنا في المنطقتنا انقولولهم الحنيونات
المقادير:
250 غ لوز مرحي غبرة +125 غ سكر قلاصي+1 م ك زبدة +عصير الليمون ثم لميها بياض البيض مضرب وميكونش الخليط جاري لازم ناشف شوية باه الشكل ميخسرش
شكلي حربوش ودوريه على بوشون تاع قارورة صغيرة تاع دواء مقلوبة تعطيك شكل اسورة وديريهم في الفرن 120 درجة حتى يطهى بلون ذهبي منبعد اطليهم بالقلاصاج او رمديهم بسكر القلاصي كما تشائين
واذا احتجتي اي وصفة انا في الخدمة تحياتي

من فضلك اختي كنتي وضعتي صورة لمقرقشات في قسم واش طيبتي اليوم لكن الوصفة مالفيناهاش من فضلك الوصفة ادا اكن والف شكر

السلام عليكم
انشاء الله لكل لبنات بالف خير

المقادير
العجينة
-2علب بيمو
-3بيضات
-1خمارة او ملعقة صغيرة بكربونات
-3ملاعق ك عسل
-2 ملاعق ك كاكاو
-250غ مرغرين
-الفرينة حسب الحاجة

الكريمة
كاس حليب
2م ك ونصف مايزينة
قرصة ملح
125غ مرغرين باردة
كاس سكر رطب
فاني او عصير ليمون او عطر الفراولة

التحضيير
1- نضع حليب و مايزينة قرصة ملح فوق النار حتى تخثار بعد ماتبرد نضيفولها مرغرين باردة+ سكر رطب +فاني او عصير ليمون او عطر الفراولة نضربهم مليح بالباتور
2- نرحي البيمو رقيق جدا نضيف له المرغرين الطرية (ليست ذائبة)ثم البيض + العسل+الكاكاو+الخمارة او البكربونات ونبداو نلمو لعجينة وبعدها نضيف الفرينة بالشوية حتى نتحصل على عجينة طرية نحلها بالحلال ونقطع شكل دائرة ونديرها في الفرن بعد ماطيب وتبرد نلصق كل قلبين مع بعض بالكريمة ونغطسهم فالشوكولا الذائبة ونزينها حسب رغبة

ملاحظة
هذي الكمية حوالي 80حبة على حساب الطابع اللي تقطعو يه